المساعد الشخصي الرقمي

مشاهدة النسخة كاملة : ورشه عمل شنطه من المكرمية



أمنية كمال
07-27-2009, 03:34 AM
بسم الله الرحمن الرحيم



مراحل عمل شنطه من فن المكرمية


باذن الله كل يوم ساضع جزء يوم اشتغل ويوم ارفعلكم الصور وطبقوا معايا


http://www.montejah.com/vb/attachment.php?attachmentid=5052&stc=1&d=1258476963


http://www.montejah.com/vb/attachment.php?attachmentid=5053&stc=1&d=1258476963

نبدء بسم الله:


اولا نقس حبل بطول عرض الشنطه اللى احنا عايزينها ونربطها على خشبه او كرتونه كما بالصورة


http://www.montejah.com/vb/attachment.php?attachmentid=3977&stc=1&d=1248654560



http://www.montejah.com/vb/attachment.php?attachmentid=3978&stc=1&d=1248654560

قصى الحبال بالطول المراد مع مراعاه انك تضاعفى خمس الى ست مرات
يعنى مثلا لو عايزة الشنطه مثلا 10 سم يكون طول حبلك 50 او 60 سم عايزة اطول طبعا هطولى انا عملتها مترين واستخدمت 120 حبل زوج

نثبت الاحبال على الحبل اللى بالعرض ضعى الحبل خلف الحبل الافقى كما بالصورة
http://www.montejah.com/vb/attachment.php?attachmentid=3979&stc=1&d=1248654560

ادخلى طرفه كما بالصورة لعمل عقده
http://www.montejah.com/vb/attachment.php?attachmentid=3980&stc=1&d=1248654560

وهكذا ترصصى كل الحبال بجوار بعضهم

http://www.montejah.com/vb/attachment.php?attachmentid=3981&stc=1&d=1248654560



http://www.montejah.com/vb/attachment.php?attachmentid=3982&stc=1&d=1248654560


يتبع

أمنية كمال
07-27-2009, 03:51 AM
بالشكل دة رصصنا كل الحبال وشبكنها بعقد على الحبل الافقى اللى هو عرض الشنطه


http://www.montejah.com/vb/attachment.php?attachmentid=3983&stc=1&d=1248655191


http://www.montejah.com/vb/attachment.php?attachmentid=3984&stc=1&d=1248655191


السطر الاول :
ـــــــــــــــــــــــــــــــــ



http://www.montejah.com/vb/attachment.php?attachmentid=3994&stc=1&d=1248656696

هنشتغل على اول اربع حبال

http://www.montejah.com/vb/attachment.php?attachmentid=3986&stc=1&d=1248655191

هاتى طرف الحبل من الجانب الايمين متجهه به الى الجانب الايسر
بحيث انه يكون من فوق الحبلين اللى فى الوسط

http://www.montejah.com/vb/attachment.php?attachmentid=3987&stc=1&d=1248655191

مررى الحبل اللى فى جهه اليمين من وسط الحبال اللى على اليسار كى تعملى العقده (المستقيمه)
http://www.montejah.com/vb/attachment.php?attachmentid=3988&stc=1&d=1248655192
بالشكل دة
http://www.montejah.com/vb/attachment.php?attachmentid=3989&stc=1&d=1248655620
شدى الحبل
http://www.montejah.com/vb/attachment.php?attachmentid=3990&stc=1&d=1248655620
وتستكملى لعمل العقده كامله
http://www.montejah.com/vb/attachment.php?attachmentid=3991&stc=1&d=1248655620
شدى الحبل (الخيط) هيبقا دة شكل العقده
http://www.montejah.com/vb/attachment.php?attachmentid=3992&stc=1&d=1248655620


استكملى الباقى بنفس الطريقه على اربع حبال فى كل مرة لغايه ما ننتهى من اول سطر بالعقدة المستقيمه ومشروح فى درس تعلم فن المكرمية من قبل
http://www.montejah.com/vb/attachment.php?attachmentid=3993&stc=1&d=1248655620


ملحوظه :
يد الشنطه من الممكن نعملها فى البداية لو حدها ونشبكها اثناء الشغل على الحبل الافقى اللى عملناها فى البداية
ومن الممكن نعملها فى الاخر وتخيط فى الشنطه ومن الممكن استخدام سلسله من الحلقات المعدنية تكون يد للشنطه
ــــــــــــــــــــــــــــــــــــ


ان شاء الله كل يوم اعمل سطر وارفعه
يتبع

سنا الليل***
07-27-2009, 05:52 PM
ما شاء الله عليك امنية شرح في منتهى البساطة:0069:
شكرا لك على الموضوع و ان شاء الله اطبق معاك
و ربنا ما يحرمنا من اياديك المبدعة

سنا الليل***
07-27-2009, 07:24 PM
بصي يا امنيه انا شفت الخيط اللي عندي لقيت بواقي ابيض ونبيتي غامق
وهعمل نموذج صغير للشنطه و عاوزة ادخل اللونين بشكل متناسق
قوليلي ارتبهم ازاي عشان يطلع الشكل حلو
و معلش تاني انا هعملها مثلا 20 سم يبقى
اقص الخيط متر و لما ابدأ اشتغل بيه هيبقى
مزدوج صح كده ولا انا فاهمه غلط
معلش استحمليني شويه
مستنياكي ياقمر ومتحمسه أوي

أمنية كمال
07-28-2009, 03:44 PM
ما شاء الله عليك امنية شرح في منتهى البساطة:0069:
شكرا لك على الموضوع و ان شاء الله اطبق معاك
و ربنا ما يحرمنا من اياديك المبدعة


تسلمى يا غالية اشكرك على ذوقك
وهرفع اليوم ان شاء الله
ازاى هنشتغل السطر التانى
ولا يحرمنى منكم حبيبتى

سنا الليل***
07-28-2009, 03:52 PM
شكرا يا أمنيه متحرمش منك
بس مرديتيش عليا طول الخيط كده صح ولا غلط عشان ابدأ علطول معاكي

أمنية كمال
07-28-2009, 03:57 PM
بصي يا امنيه انا شفت الخيط اللي عندي لقيت بواقي ابيض ونبيتي غامق
وهعمل نموذج صغير للشنطه و عاوزة ادخل اللونين بشكل متناسق
قوليلي ارتبهم ازاي عشان يطلع الشكل حلو
و معلش تاني انا هعملها مثلا 20 سم يبقى
اقص الخيط متر و لما ابدأ اشتغل بيه هيبقى
مزدوج صح كده ولا انا فاهمه غلط
معلش استحمليني شويه
مستنياكي ياقمر ومتحمسه أوي


حبيبتى لو انتى قصيتى متر وبعد كده تشتغلى بيه هتلاقيه فى البداية خالص بقا نص متر لانه هيتنقى على مرتين فى عقده البداية فلا طبعاً احنا عايزينوا يكون مترين لو هو فرد وبعد الشبك هيبقا متر يعنى

بصى حبيبه قلبى انا فى الاول لما قلت استخدمت 120 حبل يعنى هذا يعنى انى بعد ما شبكتهم على الحبل الافقى اصبحوا 240 طرف حبل فهمنى

انا حاليا بشتغل الشنطه بعدد من الحبال 240 حبل لو عديتهم بالمفرد
المقاس انتى عايزها 20 سم مثلا قيسى الحبل على المزوج اضربيهم فى 5 يعنى 100 سم طول الحبل واحنا هنا عايزينه يكون مزوج يعنى هتستخدمى 200 سم .
يعنى انتى هتقصى الحبل او الخيط الواحد 200 سم تقريباً ليه كده لاننا لما هنعلقوا على الحبل الافقى هيبقا الفرد دة جوز وهتلاقى كل طرف منه بقا 100 سم فاهمنى.
لو لسه قولى واحاول بشكل تانى .
بالنسبه للونين دة حسب اختيارك انتى ممكن اما تعمليهاعدد متساوى من الحبال( نبيتى وبعدين ابيض وبعضين نبيتى) فتلاقى شنطتك طلعت زاى ما تكون مقلمه بالتبادل
او انك تعملى فتله وفتله (حبل وحبل )فتكون الشنطه متداخله الاولوان انا عندى مكرمية من زمان بس مش عارفه انا حطها فين لو لقيتها هرفعلك صورتها.

سنا الليل***
07-28-2009, 04:09 PM
الف شكر يا قمر كده فهمت اصلي جيت اقص الحبل لقيت انه فعلا هيبقى قصير وحسيت اني فهمت غلط قلت اتأكد من أستاذتي الأول
و الله انا متحمسة جدا من امبارح وكل شويه افتح اشوفك رديتي عليا ولا لأ عشان ابتدي
علطول ربنا يعطيك العافيه
http://www.yy44.net/upfiles/mBn85312.gif (http://www.yy44.net/)
هقوم علطول ابتدي ان شاء الله

أمنية كمال
07-28-2009, 04:31 PM
الف شكر يا قمر كده فهمت اصلي جيت اقص الحبل لقيت انه فعلا هيبقى قصير وحسيت اني فهمت غلط قلت اتأكد من أستاذتي الأول
و الله انا متحمسة جدا من امبارح وكل شويه افتح اشوفك رديتي عليا ولا لأ عشان ابتدي
علطول ربنا يعطيك العافيه
http://www.yy44.net/upfiles/mBn85312.gif (http://www.yy44.net/)
هقوم علطول ابتدي ان شاء الله

تسلمى يا حبيبه قلبى استاذه مرة واحده رب يخاليكى
ومعلش انا اسفه اتاخرت عليكى انا اصلى امبارح كنت فى البحر
كل سنه وانتى طيبه المصايف بدءت والحر والجو فظيع وما اقدرتش ادخل النت لما رجعت كنت مرهقه من البحر
ويلا قومى قصى الحبل وابدءى وانا هطبخ وهرفع السطر التانى ازى نشتغله.
قوليلى يا شاهى انتى من مصر؟؟؟ ولا من فين؟؟؟



وفين الاخت بتاعه الجزائر(ناى)؟؟؟ كانت عايزة طريقه الشنطه

أمنية كمال
07-28-2009, 04:54 PM
لعمل السطر التانى
ــــــــــــــــــــــــــــــــــــــــــــــ


نبدء بسم الله


بعد عمل كل الحبال اللى على السطر الاول بالعقده المستقيمه


هنشتغل السطر التانى


ازاى نشتغل بحيث ان الحبال تتشبك فى بعضها
تابع الصورة


http://www.montejah.com/vb/attachment.php?attachmentid=4007&stc=1&d=1248788693

هنلاحظ انى عامله خط باللون الاحمر على حبلين جهه اليمين وخط باللون الاخضر على حبلين تانين جهه اليسار
كده معنا اربع اطراف من الحبال هما دول اللى هنشتغل فى السطر دة عليهم بالعقده السابقه

فهتحصلى على الشكل الموضح بالصورة التاليه
http://www.montejah.com/vb/attachment.php?attachmentid=4008&stc=1&d=1248788693



http://www.montejah.com/vb/attachment.php?attachmentid=4011&stc=1&d=1248820886


كما سيوضح لنا بالصورة القادمه
لعمل السطر الثانى
احنا هناخد العقدتين المتجاورتين دول

http://www.montejah.com/vb/attachment.php?attachmentid=4012&stc=1&d=1248820886


نلاحظ اننا معنا 8 اطرف حبال نترك 2 حبل من الطرف اليمين ونترك 2 حبل من الطرف اليسار
وهنشتغل على الاربعه اللى فى الوسط بحيث لو لاحظنا هنلاقى اننا بنشتغل على حبلين من العقده الاوله وحبلين من العقده التانية كما سيوضح بالصورة التاليه
http://www.montejah.com/vb/attachment.php?attachmentid=4013&stc=1&d=1248820886


هنعمل عليهم غرزة العقده المنتظمه

http://www.montejah.com/vb/attachment.php?attachmentid=4014&stc=1&d=1248820886

اكملى العقده وشدى الحبل كويس
http://www.montejah.com/vb/attachment.php?attachmentid=4015&stc=1&d=1248820886


هتتطلع لنا بالشكل دة

http://www.montejah.com/vb/attachment.php?attachmentid=4016&stc=1&d=1248820886

استمرى هكذا بحيث انك فى السطر الاول كنتى عامله عقده من اربع اطراف للحبل نفصلى كل اتين على حد وتاخدى حبلين من العقده اللى جانبها وتشتغلى بيها وهكذا
الى ان يكتمل السطر التانى بنفس العقده وهنا سيصبح متشابك فى بعض




وهذه ليكى يا شاهى لو هتستخدمى لونين

http://www.montejah.com/vb/attachment.php?attachmentid=4009&stc=1&d=1248789169

يتبع

أمنية كمال
07-28-2009, 05:02 PM
هنلاحظ هنا فى هذه الصورة ان العقده على السطر التانى شبكت لينا بين العقدتين اللى كانوا فوق فى السطر الاول انظرى الصورة كده عشان الكلام يوضح اكتر ان شاء الله
http://www.montejah.com/vb/attachment.php?attachmentid=4017&stc=1&d=1248821475

طيب احنا كده اتبقا معنا طرفين حبل جهه اليسار لو نفتكر احنا كنا سايبنهم
دلوقت هنشتغل عليهم مع طرفين حبل كمان هتاخدهم من العقده اللى بجوارها على طول

نتابع الصورة عشان نعرف ازاى
http://www.montejah.com/vb/attachment.php?attachmentid=4018&stc=1&d=1248821475

وهكذا لما تعملى عليهم العقده تنتقلى للورها

http://www.montejah.com/vb/attachment.php?attachmentid=4019&stc=1&d=1248821475
والصورة دى هتوضح لنا اكتر

http://www.montejah.com/vb/attachment.php?attachmentid=4021&stc=1&d=1248821475



هنا شكل العقده كامله على السطر التانى كله

http://www.montejah.com/vb/attachment.php?attachmentid=4022&stc=1&d=1248821475


انظرى على اول سطرين فقط فى هذه الصورة

http://www.montejah.com/vb/attachment.php?attachmentid=4010&stc=1&d=1248789528





فى انتظرك يا شاهى انتى و اخت ناى
واى حد تانى يحب ينضم معنا اهلا به




يتبع

أمنية كمال
07-29-2009, 02:05 AM
على فكرة انا كنت غلط فى رفع الصور لشرح السطر التانى ودلوقت عملت تعديل ورفعت باقى الصور اللى الشرح فيها واضح ان شاء الله ارجعوا تانى فى الصفحه الاوله
واعتذر معلش على الخطأ الذى صدر منى (جلا من لايسهوا)انا اصلى كنت خلصت الثالث و رفعت الثالث قبل التانى اعذرونى بس دلوقت اتعدل شوفوا من تانى

منتظره التطبيقان شاء الله

سنا الليل***
07-30-2009, 01:01 AM
تسلمى يا حبيبه قلبى استاذه مرة واحده رب يخاليكى
ومعلش انا اسفه اتاخرت عليكى انا اصلى امبارح كنت فى البحر
كل سنه وانتى طيبه المصايف بدءت والحر والجو فظيع وما اقدرتش ادخل النت لما رجعت كنت مرهقه من البحر
ويلا قومى قصى الحبل وابدءى وانا هطبخ وهرفع السطر التانى ازى نشتغله.
قوليلى يا شاهى انتى من مصر؟؟؟ ولا من فين؟؟؟



طبعا استاذة وكمان فنانه
ولا يهمك يا حبيبتي كل سنة وانت طيبه معاك حق يوم البحر ده الواحد ميقدرش يعمل
أي حاجة تانيه
ايوه انا مصريه يا منمن

سنا الليل***
07-30-2009, 01:21 AM
على فكرة انا كنت غلط فى رفع الصور لشرح السطر التانى ودلوقت عملت تعديل ورفعت باقى الصور اللى الشرح فيها واضح ان شاء الله ارجعوا تانى فى الصفحه الاوله
واعتذر معلش على الخطأ الذى صدر منى (جلا من لايسهوا)انا اصلى كنت خلصت الثالث و رفعت الثالث قبل التانى اعذرونى بس دلوقت اتعدل شوفوا من تانى

منتظره التطبيقان شاء الله
عادي يا امنية كلنا بننسى و شكرا على تعبك في رفع الصور تاني
بس انا اشتغلت السطرين الحمد لله و لما خلصتهم حسيت انهم اصغر من اللي انت عاملاهم
قلت يمكن الخيط عندي ارفع بس ده عشان لسه ناقصين سطر
وانا دخلت لون كمان معاهم متضحكيش عليا اصلي لما شفت موضوعك مكانش عندي الا الخيوط دي قلت اجرب بيهم الأول
ودلوقتي فيه مشكلة عندي انا بصور بالموبايل وكارت الميموري واضح انه عليه فيروس لأن الكمبيوتر مش معترف بيه خالص ومهما ادخله يقولي ادخل الكارت و كمان عندي اختراق على جهازي
وعملت فورمات للميموري قبل كده واشتغل ودلوقتي مفيش فايده ونفسي تشوفي شغلي.
معلش دوشتك بمشكلتي بس هحاول معاه تاني و يا رب يشتغل
بالنسبه للأخت ناي ايه رأيك انت نستناها شويه عشان هي كان نفسها تعرف طريقة الشنطه
و عشان تلحق تمشي معانا يمكن عندها ظروف وان شاء الله تبقى معانا قريب
و الرأي رأيك يا جميل

أمنية كمال
07-30-2009, 02:25 AM
لا خيطك مش ارفع انا اللى نسيت ورفعت السطر قبل السطر
مش مشكله انك دخلتى لون كمان اعتبريها تجربه ولما تتعلمى ابقى اشترى احبال مخصوص واعملى الشنطه اللى على كيفك
وسلامه جهازك وسلامه الميمورى بتاعك الف سلامه تعرفى انا كمان تليفونى بيفصلكل شويه منى اصور صورة ويقفل لوحده مش عارفه اية الحكايه وساعات يعلق فى نقل الصور للميمورى ربنا يستر
بالنسبه للاخت ناى انا هبعت لها رساله خاصه وهنشوف هى هتيجى ولا اية النظام ده هى اللى طلبت الشنطه بصراحه بس انا ملاحظه هى دخولها المنتدى قليل مش عارفه ليه.
المهم انتى اعمل السطر الثالث بنفس فكرة السطر الثانى هتلاقيه شكله كما فى الصورة السابقه اللى انا كتبه عليها هيكون ده شكل السطرين لا دول 3 سطر والسطر الثالث اتعمل بنفس طريقه السطر الثانى ما فيش فرق خالص . ويا رب الميمورى عندك يشتغل عشان اشوف معاكى يا قمر

سنا الليل***
07-30-2009, 11:43 AM
ان شاء الله هشتغل السطر الثالث بس رايحه عند ماما ولما ارجع هخلصه علطول
انا تلميذه ملتزمه

أمنية كمال
07-30-2009, 10:26 PM
ان شاء الله هشتغل السطر الثالث بس رايحه عند ماما ولما ارجع هخلصه علطول
انا تلميذه ملتزمه
ان شاء الله وترجعى بالسلامه من عند مامتك
وانا بعت رساله للاخت ناى اعرفها اننا بدءنا فى الشنطه
انتى شطورة :007:يا قمر ما شاء الله عليكى

سنا الليل***
07-31-2009, 09:13 PM
شكرا ليكي يا منمن
انا خلصت السطر الثالث الحمد لله
وفي انتظارك
بس قوليلي كنتي قلتي اننا عشان نتفادى قصر الحبال نبدلهم ,طيب في حالة استخدام حبال ملونه ممكن يغير من الشكل لو بدلتهم ؟

أمنية كمال
07-31-2009, 09:23 PM
شكرا ليكي يا منمن
انا خلصت السطر الثالث الحمد لله
وفي انتظارك
بس قوليلي كنتي قلتي اننا عشان نتفادى قصر الحبال نبدلهم ,طيب في حالة استخدام حبال ملونه ممكن يغير من الشكل لو بدلتهم ؟

العفو يا حياتى

لا بلاش تبدلى الحبال كل كام سطر طالما شغاله الوان
وانا ارسلت رساله خاصة للاخت ناى عرفتها اننا بدءنا الشنطة اللى هى طالبتها ومنتظرها
ان لم تاتى هنكمل احنا غدا ان شاء الله

أمنية كمال
08-01-2009, 02:27 PM
السطر الرابع
ــــــــــــــــــــــــــــــــ




هنشتغل هنا على عقدتين متجاورتين من اللى فى السطر الثالث يعنى هيكون معنا 8 طرف خيط (حبل)

http://www.montejah.com/vb/attachment.php?attachmentid=4056&stc=1&d=1249125640


نثبت اربع فى الوسط بحيث ان حبلين من جهه اليمين وحبلين من جهه اليسار
http://www.montejah.com/vb/attachment.php?attachmentid=4057&stc=1&d=1249125640


ويعنى نشتغل بالحبلين اللى فى الجهه اليمين والحبلين اللى فى اليسار وفى الوسط اربعه كما بالصورة السابقه
ونعمل نفس العقدة السابقه
ننظم الحبال واحنا بنشتغل لو لاقيناهم ركبوا على بعد او اتلخبطوا نرتبهم عدل
http://www.montejah.com/vb/attachment.php?attachmentid=4058&stc=1&d=1249125640


http://www.montejah.com/vb/attachment.php?attachmentid=4059&stc=1&d=1249125640

نستكمل العقده
http://www.montejah.com/vb/attachment.php?attachmentid=4060&stc=1&d=1249125640



يتبع

أمنية كمال
08-01-2009, 02:45 PM
خلصنا اول عقده معنا فى السطر الرابع ننتقل على العقدتين اللى وراءهم فى السطر الثالث عشان نعمل منهم عقده جديده فى السطر الرابع كما سبق
وهكذا


وهيكون ده شكل اول عقده معنا فى السطر الرابع


http://www.montejah.com/vb/attachment.php?attachmentid=4061&stc=1&d=1249126870


ودة شكل عقدتين متجاورتين فى السطر الرابع

http://www.montejah.com/vb/attachment.php?attachmentid=4062&stc=1&d=1249126870


http://www.montejah.com/vb/attachment.php?attachmentid=4063&stc=1&d=1249126870


وهذا شكل السطر الرابع

http://www.montejah.com/vb/attachment.php?attachmentid=4064&stc=1&d=1249126870


يتبع

سنا الليل***
08-02-2009, 06:12 PM
الحقيني يا أمنيه ده انا شكلي لخبطت الشغل كله وفهمت غلط
انا كنت بشبك كل العقد مع بعض يعني في السطر الثالث لقيت ان العقده عبارة عن حبلين بس فلقيت الشكل مختلف عن اللي عملتيه
معلش استنيني افك التاني والتالت و اشتغل صح من الأول و اقولك
معلش يا امنية لسه في البدايه

أمنية كمال
08-02-2009, 06:39 PM
الحقيني يا أمنيه ده انا شكلي لخبطت الشغل كله وفهمت غلط
انا كنت بشبك كل العقد مع بعض يعني في السطر الثالث لقيت ان العقده عبارة عن حبلين بس فلقيت الشكل مختلف عن اللي عملتيه
معلش استنيني افك التاني والتالت و اشتغل صح من الأول و اقولك
معلش يا امنية لسه في البدايه


ولا يهمك عادى
معلش ما فيش مشكله الله يعينك على الفك والاعادة
وانا فى انتظارك

أمنية كمال
08-03-2009, 01:13 AM
اية الاخبار يا شاهى ؟؟؟؟؟؟؟؟؟؟؟؟؟؟؟؟
وصلتى لفين يا قمر

طيف
08-03-2009, 01:39 AM
جاري تنفيد الفكره

سنا الليل***
08-03-2009, 12:34 PM
اية الاخبار يا شاهى ؟؟؟؟؟؟؟؟؟؟؟؟؟؟؟؟
وصلتى لفين يا قمر
الحمد لله يا منمن فكيت من أول التاني و اشتغلت من جديد بس طلع حلو و نفس العقد
اللي عملتيها
الأول كانت الألوان مش عارفه احدد منها شغلي صح ولا غلط و لما وصلت للرابع لقيت كل غرزة
حبلين اتنين بس كويس ان الخطأ كان في الأول و لحقته
و قريب ان شاء الله اصلح الميموري بس تسمح الظروف اني انزل.
انا كده اوكيه ومستنياكي حبيبتي
واهلا بيكي طيف معانا

أمنية كمال
08-03-2009, 03:14 PM
جاري تنفيد الفكره


يا هلا بيكى اخت طيف
ولما تنفذى فرجينا يا قمر عملتى اية

أمنية كمال
08-03-2009, 03:20 PM
الحمد لله يا منمن فكيت من أول التاني و اشتغلت من جديد بس طلع حلو و نفس العقد
اللي عملتيها
الأول كانت الألوان مش عارفه احدد منها شغلي صح ولا غلط و لما وصلت للرابع لقيت كل غرزة
حبلين اتنين بس كويس ان الخطأ كان في الأول و لحقته
و قريب ان شاء الله اصلح الميموري بس تسمح الظروف اني انزل.
انا كده اوكيه ومستنياكي حبيبتي
واهلا بيكي طيف معانا


طيب حبيبتى الحمدلله لحقتى الخطأ وعدلتيه
واكيد جميل لانه شغل ايديك الجميله
ان شاء الله تصلحى الميمورى وتفرجينا يا قمر عملتى اية
انا هرتب الصور على الكمبيوتر وارفع الشرح اليوم باذن الله على بالليل لانى هدخل المطبخ دلوقت

سنا الليل***
08-03-2009, 04:03 PM
طيب حبيبتى الحمدلله لحقتى الخطأ وعدلتيه

واكيد جميل لانه شغل ايديك الجميله
ان شاء الله تصلحى الميمورى وتفرجينا يا قمر عملتى اية
انا هرتب الصور على الكمبيوتر وارفع الشرح اليوم باذن الله على بالليل لانى هدخل المطبخ دلوقت


شكرا يا قمر على الكلام الحلو ده
انا مش بستعجلك يا منمن براحتك خالص وقت ما تفضي ربنا يعينك يا حبيبتي

أمنية كمال
08-04-2009, 04:13 PM
اعتذار
ازيك يا شاهى يا حبيبتى
اعتذر عن التأخير معلش الكمبيوتر مجنينى حتى الرد دة بكتبه بصعوبة
على العموم انا هقول كده السطر الخامس لحد ما اسطب ويندوز جديد عشان اقدر ارفع الصور
هتعيدى نفس اللى عملناه فى الرابع يعنى بردوة شغاله على 8 حبل بس طبعا هتاخدى 4 من عقد و4 من العقده المجاورة
ان شاء الله ارفع الصور عشان يوضح اكتر

أمنية كمال
08-04-2009, 10:46 PM
بسم الله الرحمن الرحيم



نستكمل السطر الخامس فى الشنطه
هنشتغل بردوة بنفس العقده السابقه
وعلى 8 احبال (خيوط)



http://www.montejah.com/vb/attachment.php?attachmentid=4125&stc=1&d=1249414938




كما موضح ب الصورة هناخد اربع احبال اللى فى جهه اليمين فى العقده اليمين من السطر الرابع

http://www.montejah.com/vb/attachment.php?attachmentid=4126&stc=1&d=1249414938

واربع احبال من العقده اللى فى الجهه اليسرى

http://www.montejah.com/vb/attachment.php?attachmentid=4127&stc=1&d=1249416085


مع كام حبل معنا 8 حبل
http://www.montejah.com/vb/attachment.php?attachmentid=4128&stc=1&d=1249416085



نثبت الاربع طرف حبل اللى فى الوسط ونشتغل العقده المستقيمه
بكلا من الحبلين الباقين معنا من ال8 احبال

http://www.montejah.com/vb/attachment.php?attachmentid=4129&stc=1&d=1249416085


نستكمل العقده
http://www.montejah.com/vb/attachment.php?attachmentid=4130&stc=1&d=1249416418
نشد الحبال
ثم نعمل نص العقده من الطرف التانى كما سبق الشرح بالسطور السابقه


يتبع

إكليل الزهور
08-05-2009, 10:46 AM
#ff00d9
ماشاء الله يا امنية مجهودك رائع ربنا يبارك فيكي ويجازيكي عننا كل خير
انا دلوقتي بعمل شنطة كروشية ولما اخلصها ان شاء الله هبدأ معاكم اعمل نموذج للشنطة بتاعتكم زي اختي شاهي
بس انا عندي اقتراح صغير
ياريت لو قبل ما نبدأنعمل حاجة نقول خاماتنا ايه وخصوصا الخيط اسمه ايه ونوعة وسماكته كمان والبدائل ليه واحسن نوع وسعرة بالتقريب والوقت اللي هياخده لحد ما يخلص وبمعدل اد ايه في اليوم وكمان بعد ما نخلص شغلنا نقول على سعره يساوي كام في السوق عشان نعرف منتجاتنا دي قيمتها أد ايه ونعرف وفرنا لنفسنا الشراء ولا لأ وكمان اللي عايزة تبيع تبقى عارفه تكلفة المنتج وكمان السعر النهائي بدل ما يضحك عليها أو تظلم حد في سعره وياريت تقولوا انتوا موافقني ولا لأ ولو مش موافقني ياريت تقولوا ليه معلش طولت عليكم
#ff00cc

أمنية كمال
08-05-2009, 03:44 PM
#ff00d9
ماشاء الله يا امنية مجهودك رائع ربنا يبارك فيكي ويجازيكي عننا كل خير
انا دلوقتي بعمل شنطة كروشية ولما اخلصها ان شاء الله هبدأ معاكم اعمل نموذج للشنطة بتاعتكم زي اختي شاهي
بس انا عندي اقتراح صغير
ياريت لو قبل ما نبدأنعمل حاجة نقول خاماتنا ايه وخصوصا الخيط اسمه ايه ونوعة وسماكته كمان والبدائل ليه واحسن نوع وسعرة بالتقريب والوقت اللي هياخده لحد ما يخلص وبمعدل اد ايه في اليوم وكمان بعد ما نخلص شغلنا نقول على سعره يساوي كام في السوق عشان نعرف منتجاتنا دي قيمتها أد ايه ونعرف وفرنا لنفسنا الشراء ولا لأ وكمان اللي عايزة تبيع تبقى عارفه تكلفة المنتج وكمان السعر النهائي بدل ما يضحك عليها أو تظلم حد في سعره وياريت تقولوا انتوا موافقني ولا لأ ولو مش موافقني ياريت تقولوا ليه معلش طولت عليكم
#ff00cc

باذن الله يا حبيبتى تخلصى الشنطة الكروشيه وتبدى فى دى
الخيوط ( الحبال دى)اسمه حبل المكرمية وبتتباع بالشله او بالكليو حسب المكان والبلد اللى انتى فيها والسعر طبعا بيتفاوت يعنى اكيد فى القاهرة ارخص عندى هنا فى بورسعيد اغلى عشان كده صعب احدد سعر. يعنى مثلا فى القاهرة هتلاقى الكليو ممكن يوصل 16 او 18 جنيه عندى هنا فى بورسعيد 23 جنيه وانا ما اشتريتش كده لان المحل اللى روحت له مش بيبيع بالكليو بيبيع بالشله الشله ثمنها 2وربع جنيه طبعا بالكليو اوفر السمك وسط اما الوقت ففى واحده ممكن تكون فاضيه تشتغلها على طول فى زاى عندها البيت والزوج والدوشه هتطول ى ايدها يعنى بتختلف من شخص لشخص حسب ظروفوا
سعر الشنطه جاهزة مش عارفه بصراحه يمكن شاهى تعرف وتقولك.
البيع ما عنديش فكرة لانى مش ببيع وكمان انا مش دايما اشتغل فى حاجه واحده يعنى انا بشتغل الحاجه اللى اكون اعرفها وحد يطلب يتعلمها . عشان كده مقدرش احدد اسعار البيع والشراء
ولكن اخر الشغل حسب التكلفه كانت كام واقولكم
وشاهى لو تعرف تقول الشنطه بتتباع جاهزة بكام.

منورة يا قمر وانتى ما طولتيش ولا حاجه

إكليل الزهور
08-05-2009, 10:29 PM
شكرا يا أمنية على زوقك وكان فعلا قصدي ان كل واحده تقول تكلفة المنتج بالنسبة ليها واكيد كلنا عارفين انه لازم يبقى فية فرق في السعر وأكيد مش بيبقى كتير ولكن احنا بس نقربها برده عشان نرتب نفسنا وبرده اللي بتقدر تبيع تفيدنا إن شاء الله انا عن نفسي بشتغل هواية وكان بس اقتراح عشان غيري اللي يقدر يستفيد ماديأ من الهواية دي
وانا قربت خلاص معدش غير حمالة واحده بس وأخلصها النهارده إن شاء الله

أمنية كمال
08-06-2009, 12:39 AM
تابع السطر الخامس
ودة هيكون شكل العقده معنا فى السطر الخامس


http://www.montejah.com/vb/attachment.php?attachmentid=4133&stc=1&d=1249508164


نعملها مع العقده المجاورة بنفس الطريقه

http://www.montejah.com/vb/attachment.php?attachmentid=4134&stc=1&d=1249508164


ودة شكل كذا عقده جانب بعض لو نلاحظ كده فى الصورة العقده فيها زاى شكل فراغ واسع غير شكلها فى الاسطر السابقه .
ليها احنا عملنا كده عشان ان شاء الله فى اخر مرحله فى الشنطه انا ناوية اعمل شريط من الستان اللى هنبطن بيه الشنطه ونعملها للتجميل بدل ما تبقا الشنطه عندنا ما فهاش حركه.
ومع ذلك انتم لو تحبوا تغيروا عادى ما فى مشاكل
http://www.montejah.com/vb/attachment.php?attachmentid=4135&stc=1&d=1249508164


يتبع

أمنية كمال
08-06-2009, 12:45 AM
شكرا يا أمنية على زوقك وكان فعلا قصدي ان كل واحده تقول تكلفة المنتج بالنسبة ليها واكيد كلنا عارفين انه لازم يبقى فية فرق في السعر وأكيد مش بيبقى كتير ولكن احنا بس نقربها برده عشان نرتب نفسنا وبرده اللي بتقدر تبيع تفيدنا إن شاء الله انا عن نفسي بشتغل هواية وكان بس اقتراح عشان غيري اللي يقدر يستفيد ماديأ من الهواية دي
وانا قربت خلاص معدش غير حمالة واحده بس وأخلصها النهارده إن شاء الله


تسلمى يا غاليه الذوق هو ذوقك يا قمر
انتى معاكى حق وفكرتك حلوة جدا طبعا عشان نقدر نفيد غيرنا انتى معاكى حق وكلامك مضبوط كمان عشان نكون عارفين احنا هنتكلف كام فلوس فى العمل دة بس انا هقول انا اتكلفت كام بعد ما اشترى القماش بتاع البطانه وفى النهاية . وشاهى كمان هوايه . ولو هى عندها فكرة عن الاسعار اكيد مش هتتاخر وهتقولنا.
قوليلى حبيبتى انتى من بلد اية؟؟؟
المهم منتظرينك خلصى الشنطه اللى معاكى وابدءى واحنا معاكى وعلى فكرة فى ايادى خشب وايادى عاج لو تحبى وممكن تعمليها زاى ما هنعملها وخلاص لو ما عرفتيش توفرى الايد الخشب او العاج .

سنا الليل***
08-06-2009, 04:39 AM
السلام عليكم
معلش اتأخرت عليكي شويه يا منمن النت بطئ اوي اليومين دول
و لا عارفه احمل الصفحة
المهم انا خلصت كده السطر الخامس و ممكن نستنى شويه لما
الأخت اكليل الزهور تنهي شنطتها وتتابع معانا .
بالنسبه لأسعار الشنط معنديش اي فكرة لأني اصلا مكنتش اعرف
ان فن المكرمية ده بيتعمل منه شنط و اساور,طول عمري فاكرة انه
لعمل مكرميات وبس
وكمان اللي شجعني بعد ما شفت موضوعك يا أمنيه عن فن المكرميه هو ان كان عندي بواقي حبال من اختي لما لقيتني بحب
الأشغال اليدويه قالتلي اعملي بيهم اي حاجه
لكن انا ولا حتى كنت اعرف اسم الخيوط دي ايه
بس برده اعتقد اني لو هعمل الشنطة لنفسي هوفر كتير عن لما اشتريها جاهزة لأن انتوا عارفين الشغل اليدوي بره غالي شويه
و كفايه اني انا اللي عاملاها ومفننه فيها على ذوقي

أمنية كمال
08-06-2009, 05:56 AM
السلام عليكم
معلش اتأخرت عليكي شويه يا منمن النت بطئ اوي اليومين دول
و لا عارفه احمل الصفحة
المهم انا خلصت كده السطر الخامس و ممكن نستنى شويه لما
الأخت اكليل الزهور تنهي شنطتها وتتابع معانا .
بالنسبه لأسعار الشنط معنديش اي فكرة لأني اصلا مكنتش اعرف
ان فن المكرمية ده بيتعمل منه شنط و اساور,طول عمري فاكرة انه
لعمل مكرميات وبس
وكمان اللي شجعني بعد ما شفت موضوعك يا أمنيه عن فن المكرميه هو ان كان عندي بواقي حبال من اختي لما لقيتني بحب
الأشغال اليدويه قالتلي اعملي بيهم اي حاجه
لكن انا ولا حتى كنت اعرف اسم الخيوط دي ايه
بس برده اعتقد اني لو هعمل الشنطة لنفسي هوفر كتير عن لما اشتريها جاهزة لأن انتوا عارفين الشغل اليدوي بره غالي شويه
و كفايه اني انا اللي عاملاها ومفننه فيها على ذوقي




وعليكم السلام يا قمر

اوكى ننتظر الاخت اكليل الزهور لغايه ما تبدء وتلحقنا وتوصل للخامس نستكمل ان شاء الله
وكمان اكون ضبطت الكمبيوترى عندى فى مشكله مع رفع الصور مش عارفه اية الحكاية .

إكليل الزهور
08-06-2009, 11:32 AM
شكرا ليكوا أفدتوني جدا أنا من دمياط وخلاص قربت اخلصها بس ابني فكلي منها شوية وعطلني ربنا يهديه
المهم انا هخلص وأمشي معاكم بس متعطلوش الدرس عشاني خلصوا وأنا متبعاكم ولو مش فاهمه حاجة هسأل عنها
وشكرا يا حبايبي

أمنية كمال
08-09-2009, 04:14 PM
شكرا ليكوا أفدتوني جدا أنا من دمياط وخلاص قربت اخلصها بس ابني فكلي منها شوية وعطلني ربنا يهديه
المهم انا هخلص وأمشي معاكم بس متعطلوش الدرس عشاني خلصوا وأنا متبعاكم ولو مش فاهمه حاجة هسأل عنها
وشكرا يا حبايبي

يا حبيبتى شفت شنطتك روووعه ماشاء الله
طيب احنا منتظرينك يا قمر تمشى معنا
ويا اهلا بيكى وباهل دمياط انتى كده قريبه منى انا ساكنه فى بورسعيد

أمنية كمال
08-09-2009, 04:24 PM
هنيجى للسطر السادس
معنا فى العقده الواحده8 احبال كما بالصورة
http://www.montejah.com/vb/attachment.php?attachmentid=4147&stc=1&d=1249824073

هناخد 2 حبال من الطرف اليمين نشتغلهم مع 2 حبل من العقده المجاورة كما بالصورة وهنتطبق نفس العقده اللى احنا شغالين بيها من الاول (المستقيمه)

http://www.montejah.com/vb/attachment.php?attachmentid=4148&stc=1&d=1249824073

فهيكون شكلها كده
http://www.montejah.com/vb/attachment.php?attachmentid=4149&stc=1&d=1249824073



بعده كده هنشتغل على 4 حبال اللى فى النص ونعمل بيهم العقده المستقيمه

http://www.montejah.com/vb/attachment.php?attachmentid=4150&stc=1&d=1249824073

وهيطلع شكلها كده

http://www.montejah.com/vb/attachment.php?attachmentid=4151&stc=1&d=1249824073

هيتبقا معنا حبلين فى العقده دى نشتغلهم مع حبلين تانين من العقده المجاورة

http://www.montejah.com/vb/attachment.php?attachmentid=4152&stc=1&d=1249824073
يتبع

أمنية كمال
08-09-2009, 04:31 PM
من السادس الى الثامن

شكل السطر السادس والسابع
http://www.montejah.com/vb/attachment.php?attachmentid=4153&stc=1&d=1249824619


شكل السطر السادس والسابع


http://www.montejah.com/vb/attachment.php?attachmentid=4154&stc=1&d=1249824619


http://www.montejah.com/vb/attachment.php?attachmentid=4155&stc=1&d=1249824619


هنا شكل الثامن معهم
http://www.montejah.com/vb/attachment.php?attachmentid=4156&stc=1&d=1249824619

يتبع

أمنية كمال
08-09-2009, 04:37 PM
كل السطر الثامن والتاسع
بنفس العقده (المستقيمه)

http://www.montejah.com/vb/attachment.php?attachmentid=4157&stc=1&d=1249825037

الى العاشر

http://www.montejah.com/vb/attachment.php?attachmentid=4158&stc=1&d=1249825037









يتبع

أمنية كمال
08-09-2009, 04:49 PM
لو مستعجلين وعايزين الشنطه تخلص بسرعه
هنعمل السطر الحادى عشر والثانى عشر والثالث عشر بالطريقه دى فيتغير الشكل (التصميم وفى نفس الوقت هتلاخص بسرعه)
هتشتغلوا كده (بنفس العقده ) ولكن هتعملوا مسافه فى الحبل بس راعوا انها تكون متساوية

كل عقدتين متجاوين هتشتغلى عليهم
يعنى معاكى 8 حبل هتثبتى 4 فى الوسط ونشتغلى 2 من الطرف دة و2 من الطرف التانى نفس العقده المستقيمه ولكن اتركى مسافه حوالى 1سم من الحبل بدون شغل وابدى العقده من بعده
http://www.montejah.com/vb/attachment.php?attachmentid=4164&stc=1&d=1249825526

فيطلع بالصورة دى

http://www.montejah.com/vb/attachment.php?attachmentid=4162&stc=1&d=1249825526



http://www.montejah.com/vb/attachment.php?attachmentid=4163&stc=1&d=1249825526


لو مش مستعجلين هتنتظرونى ونعمل العقده بشكل تانى(ملتوية مرة و مستقيمه مرة)زاى ما انا هعملها فى شنطتى _ انا فى انتظار رايكم


يتبع

سنا الليل***
08-09-2009, 07:39 PM
ازيك يا منمن ايه اخبارك ؟؟
واهلا بيكي اكليل الزهور معانا ,على فكرة انا كمان من دمياط الجديدة
انا هشتغل زي ما عملتي السطور من السادس يا امنية ومش مستعجلة هستناكي
مش هوسع العقد هعمل زي ما هتعملي في شنطتك

أمنية كمال
08-09-2009, 08:09 PM
ازيك يا منمن ايه اخبارك ؟؟
واهلا بيكي اكليل الزهور معانا ,على فكرة انا كمان من دمياط الجديدة
انا هشتغل زي ما عملتي السطور من السادس يا امنية ومش مستعجلة هستناكي
مش هوسع العقد هعمل زي ما هتعملي في شنطتك


يا هلا كلكم من دمياط قريب قوى منى بينا وبين بعض نص ساعه او تلات اربع

شاهى

طيب يبقا اشتغلى لغاية السطر العاشر بنفس الطريقه السابقه .
ولما تخلصى عارفين عشان نستكمل ان شاء الله

فطيمة
08-09-2009, 10:59 PM
بارك الله فيك امنية على الشرح المفصل

إكليل الزهور
08-12-2009, 02:39 AM
انا حفظت الطريقة كويس جدا الحمدلله
بس لسه مبدأتش عشان مش فاضية خالص اليومين دول بس في الخطة بإذن الله
ومستنية تخلصوا الشرح للأخر
وتسلم إيديكي يا امنية

أمنية كمال
08-12-2009, 04:20 AM
بارك الله فيك امنية على الشرح المفصل



تسلمى يا اخت فطيمة
والله يبارك فى صحتك يا غاليه
منورة المنتدى هنا وهناك يا ست الناس
على فكرة انا عرفتك:lulu15:

أمنية كمال
08-12-2009, 04:22 AM
انا حفظت الطريقة كويس جدا الحمدلله
بس لسه مبدأتش عشان مش فاضية خالص اليومين دول بس في الخطة بإذن الله
ومستنية تخلصوا الشرح للأخر
وتسلم إيديكي يا امنية



ازيك يا قمر

طيب الحمدلله انك حفظتى الطريقه

لما تفضى اعملى براحتك ان شاء الله

تسلمى يا غاليه الله يعطيكى العافيه:lulu15:

أمنية كمال
08-12-2009, 04:24 AM
كل عام وانتم بخير
عامله اية يا شاهى
ازيك يا حبيبتى
http://www.dubaieyes.net/gallery/data/media/25/t-r-7.jpg

وصلتى لغايه فين يا قمر فى الشنطه؟؟؟

سنا الليل***
08-13-2009, 01:22 PM
ازيك انتي يا قمر وحشتيني
كل عام وانت بخير وسعادة
معلش اتأخرت عليكي شوية لظروف صعبة
انا كده خلصت السطر العاشر
********
كنت عاوزة اسألك على حاجة انتي عارفة انه فيه تلبيس شنط بالكروشيه وكنت هعمل شنطه عندي كده بس مش حابة امسك ابرة الكروشيه دلوقتي خالص ,ففكرت انه ممكن ينفع بطريقة المكرميه بس الخيط حرير و انا رسمت الشنطة وده شكلها
http://www.yy44.net/upfiles/7Zx58798.bmp (http://www.yy44.net/)
الشكل اللي من فوق في الشنطة ده ينفع يتعمل بالمكرمية ولو ينفع يا ريت تقوليلي ازاي

أمنية كمال
08-14-2009, 09:37 PM
مساء الخير
ازيك يا شاهى يا قمر

وكل سنه وانتى طيبه وبخير وسعادة وهناء

كويس انك خلصتى العاشر
ان شاء الله ارتب الصور وارفعلك الباقى.واعذرينى على التأخير انتى عارفه الصيف وخروجاته وضيوفوا

فى الحقيقه معرفش تلبيسه الشنط الكروشيه لان زاى ما انتى عارفه انا لسه هتعلم كروشيه وما كانش عندى له ميول ولاهتمامات من قبل. فلو ترفعيلى شكلها بيكون اية لانى معرفهاش التلبيسه دى شكلها اية فا يا ريت توريهالى
اما الشنطه اة ينفع تتعمل بالمكرميه و هحاول اشوفلك صورة شنطه مكرمية مقاربه للشكل اللى رفعتيه ونشرحه غرزتها .
ولكن مبدئياً كده انتى بتثبتى الخيوط اللى هتشتغلى بيها على التلبيسيه اللى عندك من جوها وتراعى ان الخيط فى الجانبين يكون اطول وينزل اقصر فى اقصر ثم تتطولى الخيوط تانى زاى الشكل 7 اللى على التلبيسيه اللى معاكى.
فهمتى اقصد اية

أمنية كمال
08-15-2009, 08:50 AM
اتفرجى على اليوتيوب دة عشان تعرفى ازاى طريقه عمل العقده الملتوية

http://www.youtube.com/watch?v=wRqrIVuPvvY&feature=channel

http://www.youtube.com/watch?v=McxhFVPl5Y4&feature=channel




ودى عقدة تانية(التاج الصينى) فى شنطه هرفعلك صورتها بس القى الصورة

http://www.youtube.com/watch?v=MUsA3Bc0h8E&feature=related

أمنية كمال
08-15-2009, 09:14 AM
ودة عقده التاج الصينى


http://www.youtube.com/watch?v=o6nGKJd51IE


وهدورلك على الشنطه اللى مستخدمين فيها العقده دى لان تصميمها زاى شكل التلبيسه اللى عندك

http://www.montejah.com/vb/attachment.php?attachmentid=4247&stc=1&d=1250341822
العقدة مطبقه فى الجزء اللى فى الوسط

أمنية كمال
08-15-2009, 04:28 PM
بسم الله الرحمن الرحيم


ــــــــــــــــــــــــــــــــــــــــــــــ


هتعملى هنا اية هتستخدمى مرة العقده الملتوية ومرة العقده المستقيمه العادية اللى اخدناها فى الاول












فى العقده الملتوية بنشتغل فى اتجاة واحد من الحبل فقط بعكس المستقيمه
كنا مرة بنشتغل من الشمال واللى وراها من اليمين


http://www.montejah.com/vb/attachment.php?attachmentid=4248&stc=1&d=1250342608


نتلفى الحبل اللى فى اليمين وطلعى منه الطرف اللى فى الشمال
وترجعى تانى وتعيدى من نفس الجهه


http://www.montejah.com/vb/attachment.php?attachmentid=4249&stc=1&d=1250342608



http://www.montejah.com/vb/attachment.php?attachmentid=4250&stc=1&d=1250342608


شدى الخيوط (الحبل) وارجعى عيدى عمل العقده من اليمين عشان تطلع ملتوية شوفى الفيديو اللى فيه العقده الملتوية
http://www.montejah.com/vb/attachment.php?attachmentid=4251&stc=1&d=1250342608


وهكذا وهكذامن نفس الاتجاة


http://www.montejah.com/vb/attachment.php?attachmentid=4252&stc=1&d=1250342608


يتبع

أمنية كمال
08-15-2009, 04:38 PM
العقده المجاوره ليها هتعمليها بالعقده المستقيمه اللى قولناها فى الاول
وخدى بالك من الصور لانها هتوضح الفرق بين شغل العقده دى عن العقده الملتوية

http://www.montejah.com/vb/attachment.php?attachmentid=4253&stc=1&d=1250343168


فرق هنا اننا هنا فى العقده المستقيمه مرة اشتغلنا من جهه اليمين ومرة من اليسار

يعنى الصورة دى هتوضح اننا هنلف الحبل او الخيط من اليسار
http://www.montejah.com/vb/attachment.php?attachmentid=4254&stc=1&d=1250343168


http://www.montejah.com/vb/attachment.php?attachmentid=4255&stc=1&d=1250343168

ونشد الخيوط

http://www.montejah.com/vb/attachment.php?attachmentid=4256&stc=1&d=1250343168

لو عندك خرز تحبى تضفيه براحتك تقدرى تضفيه فى وسط الشغل هتشتغلى كده 10 اسطر مرة عقده ملتوية مرة مستقيمه
http://www.montejah.com/vb/attachment.php?attachmentid=4257&stc=1&d=1250343168
يتبع

أمنية كمال
08-15-2009, 04:44 PM
http://www.montejah.com/vb/attachment.php?attachmentid=4258&stc=1&d=1250343662




http://www.montejah.com/vb/attachment.php?attachmentid=4259&stc=1&d=1250343662



هنشتغل بالطريقه دى فى وش الشنطه ودة للتحليه انما الظهر نشتغله عادى زاى ما كنا ما شين فى السطر التاسع والعاشر

يعنى اية يعنى وش الشنطه بالشكل دة انما الظهر كله لا الظهر بالمستقيمه العادية
انا هستكمل شغل الوجه والظهر وارفعلك صورة ان شاء الله

وكل سنه وانتى بخير يا قمر



يتبع

سنا الليل***
08-16-2009, 10:05 AM
شوفي الرابط ده يا امنيه فيه شنط قديمه و تلبيسها بالكروشيه انا نزلتها في موضوع مستقل
علشان الكل يستفيد
http://montejah.com/vb/showthread.php?t=4275
الشنطه اللي انت نزلتيها دي كانت عجباني من زمان و أول مرة اعرف انها بالمكرمية والله كنت فاكراها كروشيه و اشوف غرزها استغرب اوي ايه الكروشيه العجيب ده؟
عجبتني اوي و واسعة تخلص بسرعة و انا اخذت مقاسات الشنطة طلعت 45 في الجناب
و 15 من الداخل اسفل حرفv يعني في العادي بنضرب في 5 بس في الشنطه دي الغرز واسعة اوي متهيألي متاخدش خيط كتير يعني المفروض الحبل مفرد 225 سم اخليه على كده
ولا اقصر شويه؟؟؟؟؟؟؟
كمان الحلقتين اللي في اليد مش من الأمام زي الصورة هما من الجنب هينفع اشبك الخيوط فيهم بالحالة دي مع مراعاة انهم حلقتين اتنين في يد واحدة مش اربعه زي الصورة.
معلش يا منمونة طولت عليكي و دخلتك في شنطة تانية بس اهي مرتبطة بموضوعنا
متحرمش منك و انا هشتغل السطور لغاية العشرين و اقولك

أمنية كمال
08-16-2009, 05:25 PM
هرجع وهرد عليكى بس شوية كده لانى لسه مش مركزة وانا شفت الشنط فى موضوعك روعه
عاشت ايديك يا قمر
والشنطه الخضرة دى مش بتاخد خيوط كتير لان عقدها على واسع بعكس اللى بنعملها دلوقت عقدها وشغلها بياخد وقت انا لو كنت شفت الشنطه دى فى الاول كنا عملنها من الاول اختصار للوقت بس معلش مرة تانية

مرفوتا
08-17-2009, 07:11 PM
شغلك وشرحك رووووووووووعة بس لوسمحتي فين صورة الشنطة وشكرررررررا علي المجهود

أمنية كمال
08-17-2009, 07:21 PM
شغلك وشرحك رووووووووووعة بس لوسمحتي فين صورة الشنطة وشكرررررررا علي المجهود


الاروع هو مرورك

احنا ماشين خطوة بخطوة مع بعض فى الشنطه انا عملتها بناً على طلب اخت معنا بالمنتدى
يعنى لما هتخلص هرفع صورتها
اجيب صورة ليه ازاى قبل ما اشتغلها؟؟!!! يا قمر
انا لسه بشتغل كل يوم جزء على حسب وقتى
انتى انتظرى فى اخر الورشه هتشوفى شكل الشنطه اللى عملنها لاننا لسه ما خلصناش شغل

مرفوتا
08-17-2009, 07:41 PM
:clap::lulu13: [COLOR="Magenta"][SIZE="7"]شكرررررررا بس لوسمحتي ممكن اطلب من حضرتك ورشة لعمل الشنطة الخضراء لانها حلوة اوي معلش هتعب حضرتك وبعد اذنك تكون متصلة مع نفس الصفحات دي علشان اعرف اتابع واشارك معكم لوسمحتيلي وشكرا علي الاهتمام والردبس بسرعة علشان نفسي اعملها

أمنية كمال
08-17-2009, 08:10 PM
:clap::lulu13: [COLOR=magenta][SIZE=4]شكرررررررا بس لوسمحتي ممكن اطلب من حضرتك ورشة لعمل الشنطة الخضراء لانها حلوة اوي معلش هتعب حضرتك وبعد اذنك تكون متصلة مع نفس الصفحات دي علشان اعرف اتابع واشارك معكم لوسمحتيلي وشكرا علي الاهتمام والردبس بسرعة علشان نفسي اعملها

العفو يا قمر

وان شاء الله نخلص من الشنطه الاوله واشترى حبال تانى ونبدء فى الشنطه التانية بس لا اوعد انى اقدر اجيب نفس اليد اللى فى الشنطه الخضراء دى هشوف استبدل اليد دى بيد تانية حسب المتاح فى السوق وربنا يسهل او لو الاخت: سنا الليل عملتها ووفرت الخامات ترفع لنا شغلها بالخطوات . هنشوف ربنا يسهل يا قمر.لو مستعجله انا رفعت فيديو يشرح العقده الموجوده فى وسط الشنطه دى اما العقد اللى فوق وتحت انا شرحت طريقتها هنا ارجعى بالصفحات وشوفيها

مرفوتا
08-17-2009, 09:44 PM
شكرا علي الرد لاه طبعامش مستعجلة بس لوسمحتي تعرفينا اول متبدائى فيها اوتعرفي اي اخت عملتها معلش دوشتك بس بصراحه شرحك حلو اوي مشاء الله وكمان الصور واضحة تسلم ايدك علي فكره انا كمان من مصر وحاصله علي ليسانس اداب قسم اجتماع وبحب شغل المكرميه اوي

سنا الليل***
08-18-2009, 04:38 PM
ازيك يا امنية كل سنه وانت طيبه و رمضان كريم
معلش يا امنيه انا اشتغلت 4 سطور مستقيمة و ملتويه و من وقتها مش عارفة اشتغل اي حاجه الظروف عندي صعبة جدا حمايا تعبان اوي و قاعدين جنبه ليل ونهار و كمان ابني تعبان
كل شويه عند دكتور و ربنا يستر عليه لأن الحاله دي جت له السنة اللي فاتت قبل رمضان
في نفس الميعاد و قضينا رمضان في المستشفيات و خايفة يحصل كده السنه دي
دعواتك يا امنيه .
و انا مضطرة اخلص الشنطة دي بسرعة لأني مش ضامنة ايه اللي ممكن يحصل الفترة الجايه
ففكيت اللي اشتغلته من السطر العاشر وهوسع زي ما قلتي قبل كده بس اعمل كام سطر
و ازاي انهي الشنطة من اسفل؟
و لو هتشرحي الشنطة الخضرا هتابع معاكي لو الظروف سمحت و لو قدرت اخرج هصلح الهارد
و الميموري علشان اوريكي شغلي

أمنية كمال
08-18-2009, 05:30 PM
ازيك يا امنية كل سنه وانت طيبه و رمضان كريم
معلش يا امنيه انا اشتغلت 4 سطور مستقيمة و ملتويه و من وقتها مش عارفة اشتغل اي حاجه الظروف عندي صعبة جدا حمايا تعبان اوي و قاعدين جنبه ليل ونهار و كمان ابني تعبان
كل شويه عند دكتور و ربنا يستر عليه لأن الحاله دي جت له السنة اللي فاتت قبل رمضان
في نفس الميعاد و قضينا رمضان في المستشفيات و خايفة يحصل كده السنه دي
دعواتك يا امنيه .
و انا مضطرة اخلص الشنطة دي بسرعة لأني مش ضامنة ايه اللي ممكن يحصل الفترة الجايه
ففكيت اللي اشتغلته من السطر العاشر وهوسع زي ما قلتي قبل كده بس اعمل كام سطر
و ازاي انهي الشنطة من اسفل؟
و لو هتشرحي الشنطة الخضرا هتابع معاكي لو الظروف سمحت و لو قدرت اخرج هصلح الهارد
و الميموري علشان اوريكي شغلي


ازيك انتى وكل عام وانتى بخير
الف سلامه على حماكى وعلى ابنك ربنا يشفيهم يا رب

وربنا يقوم ابنك بالسلامه وان شاء الله مش يطول المرض عليه ربك الشافى المعافى

طيب بصى اعملى عدد اسطر زاى ما انتى تحبى يعنى ممكن 4 سطور او 5 على الواسع وبعد كده ارجعى اعملى كام سطر على ضيق زاى الاول عشان تقفلى الشنطه من تحت هتشتغلى عقد الحبال الامامية مع الخلفيه (الوش مع الظهر)تعقديهم مع بعض ولكن بعد ما تكونى قلبتى الشنطه على ظهرها عشان الحبل المعقود يبقا من الداخل
وبعد كده تشترى قماش ستان وتفصليه بنفس مقاس المكرمية اللى اشتغلتيها اوك
وتخيطيهم فى بعض وتركبى سوسته او الكلبس اللمغنطيس براحتك انتى وللتحليه الزينه يعنى وتجيبى قطعه ستان تقصيه زاى المستطيل رفيع عشان تعملى شريط للتحليه بس مش رفيع قوى معقولو تقفليها من الجوانب الثلاثه وتتركى جنب تقلبى منه وبعدين تخيطى الطرف المفتوح دة وبعدين تدككيه فى العقده اللى فوق الوسعه وتعملى فيكونكه منه وخلاص هتكون خلصت شنطتك

اما الشنطه الخضرة ربنا يسهل بعد رمضان لان فى رمضان انا مش بشتغل اى حاجه خالص عشان الغزومات والضيوف والقران بياخد الوقت كمان منى بيكون ما فيش وقت .

ربنا معاكى يا قمر

أمنية كمال
08-18-2009, 05:35 PM
شكرا علي الرد لاه طبعامش مستعجلة بس لوسمحتي تعرفينا اول متبدائى فيها اوتعرفي اي اخت عملتها معلش دوشتك بس بصراحه شرحك حلو اوي مشاء الله وكمان الصور واضحة تسلم ايدك علي فكره انا كمان من مصر وحاصله علي ليسانس اداب قسم اجتماع وبحب شغل المكرميه اوي


لا ما دوشتنيش انا احب الرغى جداااا:lulu18:
ميرسى على كلامك اشكرك وكويس ان الصور واضحه والشرح مفهوم
حاضر ان شاء الله اول ما نبدء اقولك
واهلا بيكى وبكل المصريات القمرات العسل
وقسم الاجتماع جميل ما شاء الله انتى منورة المنتدى يا اخت مرفت

وكل عام وانتى طيبه وبخير

إكليل الزهور
08-21-2009, 11:56 AM
إزيك يا امنية وإزيك يا شاهى كل سنة وانتم طيبين
وألف سلامة على باباكي وإبنك ياشاهي

ياامنيه عندي صورة لمكرمية عايزة طريقتها ومش عارفة أحطها فين عشان تعلميني الغرزة بتاعتها

مش عايزة بس ادخل في موضوعوكم فأنتى قوليلي
وأنا مستنياكي وماشية معاكم لحد دلوقتي وفاهمه كويس الحمد لله

أمنية كمال
08-21-2009, 09:21 PM
إزيك يا امنية وإزيك يا شاهى كل سنة وانتم طيبين
وألف سلامة على باباكي وإبنك ياشاهي

ياامنيه عندي صورة لمكرمية عايزة طريقتها ومش عارفة أحطها فين عشان تعلميني الغرزة بتاعتها

مش عايزة بس ادخل في موضوعوكم فأنتى قوليلي
وأنا مستنياكي وماشية معاكم لحد دلوقتي وفاهمه كويس الحمد لله


ازيك يا قمر وكل عام وانتى بخير
http://www.kl28.com/cards/images/cards5/ramadan.jpg


طيب حبيبه قلبى ارفعي صورة المكرميه هنا بهذا القسم فى موضوع مستقل وان شاء الله اشوفها واشوفلك العقده اللى فيها.
والحمدلله انك ماشيه معنا فى الشنطه وفاهمه.
وكل سنه وانتى طيبه

totoankhamon
08-21-2009, 10:46 PM
الله عليك يا امنية وعلى شرحك الجميل الوافى - الف شكر لك - توتو فخرى .

أمنية كمال
08-29-2009, 08:41 PM
الله عليك يا امنية وعلى شرحك الجميل الوافى - الف شكر لك - توتو فخرى .

تسلمى يا حبيبه قلبى
وكل عام وانتى بخير

أمنية كمال
08-29-2009, 08:47 PM
بسم الله الرحمن الرحيم

عمل يد الشنطه

الاول اعتذر عن التأخير انتم اساسا زمانكم عملتوا الشنطه وشطبتوها وانا لسه
معلش انا اسفه على التأخير فى وضع الصور


http://www.montejah.com/vb/attachment.php?attachmentid=4293&stc=1&d=1251564647

http://www.montejah.com/vb/attachment.php?attachmentid=4292&stc=1&d=1251564647


http://www.montejah.com/vb/attachment.php?attachmentid=4294&stc=1&d=1251564647


http://www.montejah.com/vb/attachment.php?attachmentid=4295&stc=1&d=1251564647

http://www.montejah.com/vb/attachment.php?attachmentid=4296&stc=1&d=1251564647

http://www.montejah.com/vb/attachment.php?attachmentid=4297&stc=1&d=1251564647

يتبع

أمنية كمال
08-29-2009, 09:03 PM
http://www.montejah.com/vb/attachment.php?attachmentid=4298&stc=1&d=1251565773


http://www.montejah.com/vb/attachment.php?attachmentid=4299&stc=1&d=1251565773



http://www.montejah.com/vb/attachment.php?attachmentid=4300&stc=1&d=1251565773


http://www.montejah.com/vb/attachment.php?attachmentid=4301&stc=1&d=1251565773


يتبع

أمنية كمال
08-29-2009, 09:06 PM
http://www.montejah.com/vb/attachment.php?attachmentid=4302&stc=1&d=1251565959


http://www.montejah.com/vb/attachment.php?attachmentid=4303&stc=1&d=1251565959


http://www.montejah.com/vb/attachment.php?attachmentid=4304&stc=1&d=1251565959

http://www.montejah.com/vb/attachment.php?attachmentid=4305&stc=1&d=1251565959

سنا الليل***
08-30-2009, 04:26 AM
ازيك يا امنيه وحشتيني
روعة شنطتك تسلم ايديك
بس انا مشتغلتش ولا سطر من اخر مرة لأن حمايا توفى
خامس يوم رمضان ربنا يرحمه و لغايه دلوقتي ناس داخله وخارجه و صعب اشتغل اي حاجه
انتوا بس وحشتوني قلت اسلم عليكم

إكليل الزهور
08-30-2009, 12:06 PM
البقاء لله يا شاهي ربنا يتغمده برحمته ويجعله من عباد جناته إن شاء الله

أمنية كمال
08-30-2009, 04:15 PM
ازيك يا امنيه وحشتيني
روعة شنطتك تسلم ايديك
بس انا مشتغلتش ولا سطر من اخر مرة لأن حمايا توفى
خامس يوم رمضان ربنا يرحمه و لغايه دلوقتي ناس داخله وخارجه و صعب اشتغل اي حاجه
انتوا بس وحشتوني قلت اسلم عليكم



البقاء لله
ان لله وان اليه راجعون
الله يرحمه ويدخله الفردوس الاعلى

وانتى كمان وحشتينا قوى يا شاهى
الله يسلمك ويحفظك

مرفوتا
09-10-2009, 03:31 AM
كل سنه وانتم طيبين وتسلم ايدك يا امنية شنطه حلوه اوي بس لو سمحتي متنسيش الشنطه الخضراء عايزين ورشة عمل ليها ومعلش عرفيناوزن الخيط اللي هنحتاجه قبل البدء في عملها علشان نجيب الخيط ونبدء معاكي وعذائي للاخت شاهي وربنا يرحمه

مرفوتا
09-10-2009, 03:33 AM
كل سنه وانتم طيبين وتسلم ايدك يا امنية شنطه حلوه اوي بس لو سمحتي متنسيش الشنطه الخضراء عايزين ورشة عمل ليها ومعلش عرفيناوزن الخيط اللي هنحتاجه قبل البدء في عملها علشان نجيب الخيط ونبدء معاكي وعذائي للاخت شاهي وربنا يرحمه

سنا الليل***
09-12-2009, 02:12 AM
البقاء لله

ان لله وان اليه راجعون
الله يرحمه ويدخله الفردوس الاعلى


وانتى كمان وحشتينا قوى يا شاهى

الله يسلمك ويحفظك

شكرا يا امنية ربنا يتقبل دعائك ويجعله من نصيبه
و ربنا يخليكوا ليا يارب

سنا الليل***
09-12-2009, 02:30 AM
البقاء لله يا شاهي ربنا يتغمده برحمته ويجعله من عباد جناته إن شاء الله
البقاء لله يا حبيبتي
شكرا ليكي و ربنا يتقبل

سنا الليل***
09-12-2009, 02:33 AM
كل سنه وانتم طيبين وتسلم ايدك يا امنية شنطه حلوه اوي بس لو سمحتي متنسيش الشنطه الخضراء عايزين ورشة عمل ليها ومعلش عرفيناوزن الخيط اللي هنحتاجه قبل البدء في عملها علشان نجيب الخيط ونبدء معاكي وعذائي للاخت شاهي وربنا يرحمه
شكرا يا ميرفت على ذوقك
وكل سنه وانت طيبة

سنا الليل***
09-12-2009, 02:38 AM
ان شاء الله يا منمن اخلص الشنطة بعد رمضان
بس قوليلي الشنطة بتاعتك نازلة على واسع
ازاي اتحكم في الموضوع ده .
انا عاوزة بتاعتي زي بتاعتك
ازاي نقدر نغير في شكل الشنطة من تحت
يعني بشوف شنط فيها تدويرة من الجناب من اسفل
و ان شاء الله نبدأ الشنطة الخضراء وقت ما
تحبي بعد رمضان

امل55
09-15-2009, 10:01 AM
ما شااااء اللة يا امنية دائما مبدعةاللة يوفقك ويحفظك:lulu13:

أمنية كمال
09-15-2009, 08:12 PM
كل سنه وانتم طيبين وتسلم ايدك يا امنية شنطه حلوه اوي بس لو سمحتي متنسيش الشنطه الخضراء عايزين ورشة عمل ليها ومعلش عرفيناوزن الخيط اللي هنحتاجه قبل البدء في عملها علشان نجيب الخيط ونبدء معاكي وعذائي للاخت شاهي وربنا يرحمه


وانتى طيبه وبصحه وخير وعافيه يا قمر
ازيك انتى
وان شاء الله بعد العيد هنزل اشترى الخيوط واللوازم ونبدء فى الشنطه الخضراء ربنا يسهل
ان شاء الله

أمنية كمال
09-15-2009, 08:22 PM
ان شاء الله يا منمن اخلص الشنطة بعد رمضان
بس قوليلي الشنطة بتاعتك نازلة على واسع
ازاي اتحكم في الموضوع ده .
انا عاوزة بتاعتي زي بتاعتك
ازاي نقدر نغير في شكل الشنطة من تحت
يعني بشوف شنط فيها تدويرة من الجناب من اسفل
و ان شاء الله نبدأ الشنطة الخضراء وقت ما
تحبي بعد رمضان


بصى هى شنطتى نزله على واسع دة نتيجه للعقده الواسعه اللى عملنها فى السطر الرابع تقريبا كان . يعنى انتى لو مشيتى بنفس الخطوات بتاعتى هتطلع زاى كده تمام.
انما لو عايزها تطلع مستقيمه خالص يبقا فى اول سطر وسعى شوية بين تثبيت الحبال على الحبال الافقى وكمان اشتغالى على 4 حبال فى كل الشنطه ما تعمليش الجزيئه اللى انا اشتغلت فيها على 8 حبال(اللى وسعت فيها يعنى)
اما الشنط اللى فيها زاى تدويرة او ورب من الجانبين دة انتى بتتركى من اسفل عقده ما تشتغليهاش وتكملى عادى ولما توصلى للجنب التانى عند العقده الاخيرة تتركيها ما تشتغليهاش وتيجى على السطر اللى وراه وتتركى عقدتين وهكذا فتلاقيها اتدورت معاكى .فهمتينى .
ان شاء الله بعد العيد هنزل اشترى خيوط وقماش ونبدء الشنطه الخضراء

أمنية كمال
09-15-2009, 08:24 PM
ما شااااء اللة يا امنية دائما مبدعةاللة يوفقك ويحفظك:lulu13:


تسلمى يا اموله
اشكرك على ذوقك وكلامك
منورة الموضوع ومنورة المنتدى
الله يوفقنا جميعاً فيما يحبه ويرضاه

مياراااا
10-24-2009, 05:57 AM
السلام عليكم
شكرا جدا على الشنطة وتسلم ايدك
لو سمحتي انا عندي سؤال ممكن شرح بالصور طريقة تقفيل الشنطة ازاي والزيادات بتروح فين؟
وشكرا على تعبك

أسماء
10-26-2009, 01:25 PM
السلام عليك شكرا لك على الشرح المميز لكن اكرر سؤال الاخت ميارا كيف نقفلها من الاسفل و اين تذهب الزيادات و اذا كان لديك اشرحي لنا عمل شنط اخرى و شكرا لك

أمنية كمال
10-26-2009, 02:26 PM
السلام عليكم
شكرا جدا على الشنطة وتسلم ايدك
لو سمحتي انا عندي سؤال ممكن شرح بالصور طريقة تقفيل الشنطة ازاي والزيادات بتروح فين؟
وشكرا على تعبك
وعليكم السلام
العفو يا قمر تسلميلى يا رب
بالنسبه لسؤالك:
بصى يا حبيبتى انتى بعد ما بتخلصى وبتعقدى الحبال اللى فى جهه الامام مع اللى فى الجهه الخلفيه بتقصى اى حبال زياده بالمقص اوكى وتتركى بس حوالى نص سم اوكى بعدها بتحرقى اطراف الحبل بالولع او بشمعه . وبعدين بتروحى لبتاع تصليح الاحذية يخيطلك عليها عشان تبقا الخياطه متينه(جامده يعنى) هحاول ارفعلك صورة على بالليل

أمنية كمال
10-26-2009, 02:30 PM
السلام عليك شكرا لك على الشرح المميز لكن اكرر سؤال الاخت ميارا كيف نقفلها من الاسفل و اين تذهب الزيادات و اذا كان لديك اشرحي لنا عمل شنط اخرى و شكرا لك
وعليكم السلام
العفو نورتى الموضوع
بصى يا عسل

انتى بعد ما بتخلصى وبتعقدى الحبال اللى فى جهه الامام مع اللى فى الجهه الخلفيه بتقصى اى حبال زياده بالمقص اوكى وتتركى بس حوالى نص سم اوكى بعدها بتحرقى اطراف الحبل بالولع او بشمعه . وبعدين بتروحى لبتاع تصليح الاحذية يخيطلك عليها عشان تبقا الخياطه متينه(جامده يعنى) هحاول ارفعلك صورة على بالليل للشنطه دى.
وبالنسبه لعمل شنطه تانية ان شاء الله هنعمل لانى وعدت اخواتنا قبل كده بعمل شنطه اخرى ولكن اللى ماخرنى بس انى مش متوفر عندى الحبال دلوقت ربنا يسهل اول ما انزل اشترى حبال .

مياراااا
10-27-2009, 12:50 AM
قصى الحبال بالطول المراد مع مراعاه انك تضاعفى خمس الى ست مرات
يعنى مثلا لو عايزة الشنطه مثلا 10 سم يكون طول حبلك 50 او 60 سم عايزة اطول طبعا هطولى انا عملتها مترين واستخدمت 120 حبل زوج


وعليكم السلام
العفو يا قمر تسلميلى يا رب
بالنسبه لسؤالك:
بصى يا حبيبتى انتى بعد ما بتخلصى وبتعقدى الحبال اللى فى جهه الامام مع اللى فى الجهه الخلفيه بتقصى اى حبال زياده بالمقص اوكى وتتركى بس حوالى نص سم اوكى بعدها بتحرقى اطراف الحبل بالولع او بشمعه . وبعدين بتروحى لبتاع تصليح الاحذية يخيطلك عليها عشان تبقا الخياطه متينه(جامده يعنى) هحاول ارفعلك صورة على بالليل [/QUOTE]

السلام عليكم
متشكرة اوي اوي على الرد وتعباكي معايا ومعلش فيه سؤال تاني لو هتقل عليكي
هو انت طبعا التقفيل يبيقى من جوة صح؟ وبعدين بتقلبي الشنطة بعد ماتخلص صح؟
طيب مابتبطنيهاش؟
وانت استعملتي كام شلة اولفة من الخيط؟واللفة كام متر اصلا؟
ويعني ايه استخدمت 120 حبل زوج؟ يعني حبلين كل واحد 120سم؟واللا ايه؟؟؟؟
انا عايزة اعرف شنطتك طولها وعرضها ايه بعد الشغل عشان اظبط عيها الاطوال
وياريت لو صورة التقفيل من جوة لو بالامكان
وانا كدة بجد تقلت اوي وتسلم ايدك خالص وشغلك بجد نضيف وحلو وربنا يباركلك

أمنية كمال
10-27-2009, 01:46 AM
ميار حبيبتى انا ان شاء الله هرد عليكى الصبح بالتفصيل الممل وانتى ما تقتليش ولا حاجه يا قمر بس انا جوزى واقف يضرب كلكس من بدرى وهنزل بسرعه بكرة ان شاء الله هشرحلك بالتفصيل وقول طول وعرض الشنطه وطول الحبل كان اية وكله وهرفعلك صور يا قمر معلش انا اسفه انا بس مضطرة انزل حتى ما كملتش مواضيع الكروشيه بكرة الصبح باذن الله هقولك بالتفصيل يا عسل

مياراااا
10-27-2009, 03:01 AM
ميار حبيبتى انا ان شاء الله هرد عليكى الصبح بالتفصيل الممل وانتى ما تقتليش ولا حاجه يا قمر بس انا جوزى واقف يضرب كلكس من بدرى وهنزل بسرعه بكرة ان شاء الله هشرحلك بالتفصيل وقول طول وعرض الشنطه وطول الحبل كان اية وكله وهرفعلك صور يا قمر معلش انا اسفه انا بس مضطرة انزل حتى ما كملتش مواضيع الكروشيه بكرة الصبح باذن الله هقولك بالتفصيل يا عسل



السلام عليكم
بجد انا مش عارفة اقولك ايه على ذوقك يارب يكرمك ويجعله في ميزانك
وبراحتك وانا في انتظارك
شكرااااااااااااا

أمنية كمال
10-27-2009, 07:15 PM
بصى يا ميار
الحبل مجوز يعنى معناه جوز بمعنى انى لو انا محتاجه طول الحبل يكون 1 متر انا اقص 2 متر ليه لانى هتنى الحبل ده على جزين مجوز يعنى
زاى الصورة كده الحبل هنا عملته متر ولما عقدته اصبح عندى حبلين كل واحد متر بس

http://www.montejah.com/vb/attachment.php?attachmentid=4895&stc=1&d=1252293642

انا شنطتى طولها 20 سم عرضها 36 سم
لما بقول استخدمت 120 حبل قصدت 120 حبل طول الحبل الواحد مترين انما بعد ما عقدناهم زاى ما فى الصور السابقه هتلاقى ان 120 دول هيتضعفوا(هيبقوا 240 فرع حبل ) وهتلاقى ان طول كل حبل على حدا بقا متر بس ده نتيجه اية نتجه اننا عملناه(ربطناه )(عقدناه) جوز مش فرد .
اقرى ردى على سنا الليل فى المشاركه رقم 7 فى اول صفحه
الزياده بعد ما بنخلص بنقصها بالمقص وبشمعه بنحرق اطراف الحبل شوفى الصور فى المرفقات

سؤال نقلب الشنطه:
وايوة بنقلب الشنطه طبعا عشان نعقد ونقفل وتخيطى فيها اليد وبعد كده نقلبها تانى على وشه .
سؤال البطانيه ايوة بتبطن باى نوع قماش تحبيه ممكن ستان ويتركب فيه السوسته عادى زاى اى شنطه .
الشله انا استخدمت حوالى 4 :5شالات مش فاكرة قوى هى الشله تقريبا حوالى 13 متر وفى الغالب هى بتباع بالكيلو لو انتى فى مصر هتلاقيه فى الموسكى بالكيلو .

مياراااا
10-29-2009, 07:54 PM
بصى يا ميار
الحبل مجوز يعنى معناه جوز بمعنى انى لو انا محتاجه طول الحبل يكون 1 متر انا اقص 2 متر ليه لانى هتنى الحبل ده على جزين مجوز يعنى
زاى الصورة كده الحبل هنا عملته متر ولما عقدته اصبح عندى حبلين كل واحد متر بس

http://www.montejah.com/vb/attachment.php?attachmentid=4895&stc=1&d=1252293642

انا شنطتى طولها 20 سم عرضها 36 سم
لما بقول استخدمت 120 حبل قصدت 120 حبل طول الحبل الواحد مترين انما بعد ما عقدناهم زاى ما فى الصور السابقه هتلاقى ان 120 دول هيتضعفوا(هيبقوا 240 فرع حبل ) وهتلاقى ان طول كل حبل على حدا بقا متر بس ده نتيجه اية نتجه اننا عملناه(ربطناه )(عقدناه) جوز مش فرد .
اقرى ردى على سنا الليل فى المشاركه رقم 7 فى اول صفحه
الزياده بعد ما بنخلص بنقصها بالمقص وبشمعه بنحرق اطراف الحبل شوفى الصور فى المرفقات

سؤال نقلب الشنطه:
وايوة بنقلب الشنطه طبعا عشان نعقد ونقفل وتخيطى فيها اليد وبعد كده نقلبها تانى على وشه .
سؤال البطانيه ايوة بتبطن باى نوع قماش تحبيه ممكن ستان ويتركب فيه السوسته عادى زاى اى شنطه .
الشله انا استخدمت حوالى 4 :5شالات مش فاكرة قوى هى الشله تقريبا حوالى 13 متر وفى الغالب هى بتباع بالكيلو لو انتى فى مصر هتلاقيه فى الموسكى بالكيلو .

السلام عيكم
بجد بجد متشكرة اوي اوي عالاستفاضة والرد المفصل ومعلش اتاخرت عالرد عليكي
وانا علطول هجيب الخامات واعملها لبناتي ويارب الحق اخلصهم قبل العيد يفرحو بيهم لاني بطيئة جداااااااااااااااااااااااا في شغلي ومملة كمان هههههههههه
شكرااااااااااااااااااااااااا

أمنية كمال
10-29-2009, 08:40 PM
السلام عيكم
بجد بجد متشكرة اوي اوي عالاستفاضة والرد المفصل ومعلش اتاخرت عالرد عليكي
وانا علطول هجيب الخامات واعملها لبناتي ويارب الحق اخلصهم قبل العيد يفرحو بيهم لاني بطيئة جداااااااااااااااااااااااا في شغلي ومملة كمان هههههههههه
شكرااااااااااااااااااااااااا

وعليكم السلام
مبروك مقدم الشنطه لبناتك وانتى لو قريبه منى كنت ساعدتك فيهم .
مع انى انا بردوة اعمل سطر واركن جانبه يومين ثلاثه هههههههه كسل بردوة
اعملى كل يوم سطرين وان شاء الله تخلص معاكى بسرعه ولو بناتك كبار شوية لو فى الابتدائى كده هيقدروا يساعدوكى واقولك عشان تخلص بسرعه صغرى حجمها .

مياراااا
10-30-2009, 05:44 AM
وعليكم السلام
مبروك مقدم الشنطه لبناتك وانتى لو قريبه منى كنت ساعدتك فيهم .
مع انى انا بردوة اعمل سطر واركن جانبه يومين ثلاثه هههههههه كسل بردوة
اعملى كل يوم سطرين وان شاء الله تخلص معاكى بسرعه ولو بناتك كبار شوية لو فى الابتدائى كده هيقدروا يساعدوكى واقولك عشان تخلص بسرعه صغرى حجمها .

السلام عليكم
الله يبارك فيك يارب وتسلمي وتسلم ايدك ومش عايزة اغلبك معايا وخليني اتعلم برده وفكرة حلوة برضه وان شاء الله هجربها
شكراااااااااااااااااااااااا

هلاونة
10-30-2009, 02:54 PM
سلمت يداكي
مشكووووووووووووووووووووووووورة ع طرح وبإنتظار القادم

مياراااا
10-31-2009, 05:29 PM
بصي يا امنيه انا شفت الخيط اللي عندي لقيت بواقي ابيض ونبيتي غامق
وهعمل نموذج صغير للشنطه و عاوزة ادخل اللونين بشكل متناسق
قوليلي ارتبهم ازاي عشان يطلع الشكل حلو
و معلش تاني انا هعملها مثلا 20 سم يبقى
اقص الخيط متر و لما ابدأ اشتغل بيه هيبقى
مزدوج صح كده ولا انا فاهمه غلط
معلش استحمليني شويه
مستنياكي ياقمر ومتحمسه أوي

السلام عليكم
بصي انا دورت على اشكال من الشنط عالنت ولقيت اشكال مختلفة لو عايزة دوري في صور جوجل وممكن كمان تكتبي بالانجلش macrame وهتلاقي حاجات بالالوان متداخلة مع بعض عشان الخيطان اللي عندك تستغليها
وانا ممكن احط الصور بس مش عارفة اذا كان ممكن احطها في الموضوع ده واللا ايه لاني مش خبيرة في المنتديات والمواضيع والردود
لكن طبعا ده كله بعد اذن الجميلة امنية لانها صاحبة الموضوع وطبعا العين ماتعلاش عالحاجب :msn-wink:
وانا في الخدمة

أمنية كمال
11-03-2009, 03:53 PM
سلمت يداكي
مشكووووووووووووووووووووووووورة ع طرح وبإنتظار القادم


تسلمى يا قمر
نورتى الموضوع بمرورك وردك الكريم

أمنية كمال
11-03-2009, 03:57 PM
السلام عليكم
بصي انا دورت على اشكال من الشنط عالنت ولقيت اشكال مختلفة لو عايزة دوري في صور جوجل وممكن كمان تكتبي بالانجلش macrame وهتلاقي حاجات بالالوان متداخلة مع بعض عشان الخيطان اللي عندك تستغليها
وانا ممكن احط الصور بس مش عارفة اذا كان ممكن احطها في الموضوع ده واللا ايه لاني مش خبيرة في المنتديات والمواضيع والردود
لكن طبعا ده كله بعد اذن الجميلة امنية لانها صاحبة الموضوع وطبعا العين ماتعلاش عالحاجب :msn-wink:
وانا في الخدمة


يا حياتى يا عسل من غير اذنى ولا حاجه حطى اللى انتى عايزة الموضوع موضوعك والمنتدى كله منتداكى .
عايزة تحطى هنا صور حطى عايزة تعملى موضوع مستقل اعملى براحتك يا قمر وفى انتظار الشنط منك يا عسل

مياراااا
11-05-2009, 10:55 AM
يا حياتى يا عسل من غير اذنى ولا حاجه حطى اللى انتى عايزة الموضوع موضوعك والمنتدى كله منتداكى .
عايزة تحطى هنا صور حطى عايزة تعملى موضوع مستقل اعملى براحتك يا قمر وفى انتظار الشنط منك يا عسل

السلام عليكم


متشكرة اوي على ذوقك
وانا هحط الصور هنا عشان اكمل معاك الموضوع
ومعلش انا عندي سؤال
اجيب من فين الخيطان من مصر الجديدة واسعارها ايه؟
شكراااااااا


لو عايزين صور تانية انا في الخدمة

ام جهاد $$$
11-05-2009, 06:10 PM
لكم كل الشكرررررررر

لواحظ ابو زيد
11-10-2009, 01:53 AM
تسلمى ع الافكار الحلوة

مياراااا
11-13-2009, 03:32 AM
السلام عليكم
معلش يا امنية انا مغلباكي في الاسئلة
انا بس عايزة اعرف مقاسات يد الشنطة ايه؟ وازاي؟ يعني بنزود عن المقاس اللي عايزينه باد ايه؟
وياريت مقاسات ايد شنطتك بالضبط لاني عاملة عليها بالنسب يعني مقاس الخيط ومقاسها بد ما خلصت
وشكرااااااااااااااااااا

أمنية كمال
11-14-2009, 03:53 PM
لكم كل الشكرررررررر


اشكرك على المرور العطر يا ست الكل

أمنية كمال
11-14-2009, 03:54 PM
تسلمى ع الافكار الحلوة

الاحلى هو مرورك يا غاليه نورتى الموضوع بطلتك

أمنية كمال
11-14-2009, 04:00 PM
السلام عليكم
معلش يا امنية انا مغلباكي في الاسئلة
انا بس عايزة اعرف مقاسات يد الشنطة ايه؟ وازاي؟ يعني بنزود عن المقاس اللي عايزينه باد ايه؟
وياريت مقاسات ايد شنطتك بالضبط لاني عاملة عليها بالنسب يعني مقاس الخيط ومقاسها بد ما خلصت
وشكرااااااااااااااااااا


وعليكم السلام ورحمه الله وبركاته


ولا يهمك يا عسل اسئلى زاى ما انتى عايزة


بصى انتى لو هتعملى يد الشنطه على غرزة واسعه زاى مش هتحتاجى حبال طويله
انا طول اليد عملتها 5 شبربعد الشغل يعنى لو هنعتبر ان الطول متر انتى هتقصى الحبال اربع اضعاف وبالنسبه تلاقى فين الحبال فى مصر الجديده هتلاقيها ممكن فى ميدان الجامع(بعد ميدان صلاح الدين )فى محل كبير هناك للاوازم الاشغال اليديوية والخياطه ولكن السعر هناك انا مش عارفه هيكون بالشله ولا بالكيلو ولكن الاوفر ليكى لو تنزلى تشترى من الموسكى

مياراااا
11-14-2009, 04:07 PM
السلام عليكم
متشكرة اوي يا أمنية
بس لو فاكرة المقاسات بتاعة الشغل عشان تطلع 5 شبر ياريت تكتبيها ولو مش فاكرة خلاص يبقى ليكي جزيل الشكر وانا ممكن اتصرف
شكراااااااااااااااااااااااااااا

أمنية كمال
11-14-2009, 04:10 PM
السلام عليكم
متشكرة اوي يا أمنية
بس لو فاكرة المقاسات بتاعة الشغل عشان تطلع 5 شبر ياريت تكتبيها ولو مش فاكرة خلاص يبقى ليكي جزيل الشكر وانا ممكن اتصرف
شكراااااااااااااااااااااااااااا

ارجعى للرد السابق انا قلت نعمل اربع اضعاف يعنى لو هتعملى اليد متر يكون طول الحبل 4 متر وانتى اشتغلى وقيسى على طول من الكتف الى الوسط شوفيه عندك كام

مياراااا
11-14-2009, 04:24 PM
شكراااااااااااااااااااا
معلش تقلت عليكي
الف الف شكر وان شاء الله لما اخلصها هحطلك صورتها عشان تفرحي بيا
تسلم ايديكي

لواحظ ابو زيد
11-17-2009, 06:22 PM
امنيه حبيبتى ممكن سؤال
انتى اللى بتعملى الشنط الحلوة دة
ولا منقوله
لو انتى اللى عملاها يبقى شىْء جميل جدا
وانا ح اقولك ممكن اشترى منك
ردى عليا بسرعه يا قمر

أمنية كمال
11-17-2009, 07:53 PM
امنيه حبيبتى ممكن سؤال
انتى اللى بتعملى الشنط الحلوة دة
ولا منقوله
لو انتى اللى عملاها يبقى شىْء جميل جدا
وانا ح اقولك ممكن اشترى منك
ردى عليا بسرعه يا قمر

بصى يا عسل الموضوع لما بكون نقله بقول فى اخرة انه منقول او بقول فى البدايه انى لقيت الموضوع على النت انم لو ما فيش الكلام ده وانا بشرح يبقا انا اللى عمله الموضوع يعنى اقصد يبقا شغل ايدى
بصى انا اللى عمله شنطه الخيش السوده والبنى اللى فى الموضوع التانى اللى انتى رديتى عليه فيه من شويه
وانا اللى عمله الشنطه المكرميه اللى فى الورشه دى وده شكلها كان بعض الشغل

http://www.montejah.com/vb/attachment.php?attachmentid=5051&stc=1&d=1258476505

http://www.montejah.com/vb/attachment.php?attachmentid=5050&stc=1&d=1258476505

الفة
12-01-2009, 08:15 PM
شكرا على الشرح وموفقة باذن الله

أمنية كمال
12-01-2009, 08:41 PM
شكرا على الشرح وموفقة باذن الله


العفو يا غاليه الله يوفقنا جميعاً فيما يحبه ويرضاه
شكرا لمرورك

مرفوتا
01-19-2010, 01:08 AM
ازيك يامنمن معلش كان عندي مشكلة في النت بيقطع بالاسبوع والشهروكنت خايفة تكونوا بدائتوا الشنطة الخضراء لاني بعدازنك عايزة اشترك معاكوا اصلها عجباني جدا

E.S.B.M.
01-20-2010, 01:17 AM
السلام عليكم
ممكن اعرف سعر خيط المكرمية كام
اللى بيبقى تخين ده انا جبت الكيلو ب20 جنية
هو كده غالى ولا ايه
وجزاكى الله خيرا

شمس الشموس
01-20-2010, 08:51 PM
تسلم ايديك موفقه يارب على الشغل الرائعه وطريقه الشرح السهله جدا موفقه يارب

miiki
02-16-2010, 07:25 PM
sans commentaire et bonne travail contuniez

بسمة الأمل
02-17-2010, 02:37 PM
شرح سهل و طريقة روعة ..

أنا عمري ما جربت اشتغل بهادي الطريقة ..

بس شغلك أمنية حمسني :)

راح أجرب ..


يعطيك العافية ..



بسمة

أمنية كمال
02-18-2010, 06:49 PM
ازيك يامنمن معلش كان عندي مشكلة في النت بيقطع بالاسبوع والشهروكنت خايفة تكونوا بدائتوا الشنطة الخضراء لاني بعدازنك عايزة اشترك معاكوا اصلها عجباني جدا
ازيك يا قمر
انا لسه ما بدءتش الشنطه الخضراء اول ما نبدء هقولك

أمنية كمال
02-18-2010, 06:51 PM
السلام عليكم
ممكن اعرف سعر خيط المكرمية كام
اللى بيبقى تخين ده انا جبت الكيلو ب20 جنية
هو كده غالى ولا ايه
وجزاكى الله خيرا
انا عندى اغلى من كده بس اذا انتى فى مصر عندك فى الموسكى هتلاقى الاسعار كويسه ورخيصة ممكن 18 للكيلو تقريبا

أمنية كمال
02-18-2010, 06:52 PM
تسلم ايديك موفقه يارب على الشغل الرائعه وطريقه الشرح السهله جدا موفقه يارب
تسلمى يا غالية والاروع هو مرورك على الموضوع
الله يوفقك

أمنية كمال
02-18-2010, 06:53 PM
شرح سهل و طريقة روعة ..

أنا عمري ما جربت اشتغل بهادي الطريقة ..

بس شغلك أمنية حمسني :)

راح أجرب ..


يعطيك العافية ..



بسمة
اشكرك على مرورك العطر
منوره الموضوع يا قمر
جربى الطريقه سهله يعطيكى الف عافيه

kingmon
05-19-2010, 03:06 AM
بجد الله اكبر شغل رائع ومرتب شرحه ربنا يبارك فيكي بالتوفيق دايما يارب
انا نفسي اجرب حاجه كده بس مشكلتي ان امتحاناتي قربت وصدفه شوقني الموضوع بس اكيد هحاول اعمله اول ما اخلص خصوصا دي اخر سنه يعني الزهق والملل هيشتغل
شكرا ليكي مستنيه منك مواضيع شيقه زي دي

وفاء رافت
06-02-2010, 06:36 PM
شو اقول؟؟؟؟؟؟؟؟؟؟؟ ابوسك؟ يسلموا ايديك يا غالية و الله شرح رائع و هدعيلك بالتوفيق

الغديررر
06-10-2010, 03:28 AM
موووووووووووووووووووووووووووووووفقه

أمنية كمال
06-25-2010, 02:04 PM
شو اقول؟؟؟؟؟؟؟؟؟؟؟ ابوسك؟ يسلموا ايديك يا غالية و الله شرح رائع و هدعيلك بالتوفيق
ابوسك انا يا عسل
وتسلمى حبيبتى على احلى مرور
وادعيلى :lulu15:

أمنية كمال
06-25-2010, 02:07 PM
بجد الله اكبر شغل رائع ومرتب شرحه ربنا يبارك فيكي بالتوفيق دايما يارب
انا نفسي اجرب حاجه كده بس مشكلتي ان امتحاناتي قربت وصدفه شوقني الموضوع بس اكيد هحاول اعمله اول ما اخلص خصوصا دي اخر سنه يعني الزهق والملل هيشتغل
شكرا ليكي مستنيه منك مواضيع شيقه زي دي
ربنا معاكى فى امتحانتك وبالتوفيق والنجاح ان شاء الله:clap:
وجربى الاشغال اليدوية كلها متعه لما تخلصى هنتظر اشوف اعمالك يا قمر.
شكرا على مرورك العطر

أمنية كمال
06-25-2010, 02:08 PM
موووووووووووووووووووووووووووووووفقه

اشكرك الغاليه غدير على المرور
والله يوفقنا جميعاً

جنون مراهقه
06-27-2010, 12:31 AM
شكرا ياامنيه
ماننحرمش منكي

أمنية كمال
06-28-2010, 02:50 PM
شكرا ياامنيه
ماننحرمش منكي
العفو يا قمر
وربى ما يحرمنى منك ولا من مرورك

الوردة البيضاء
06-28-2010, 05:45 PM
مرة روووووووووووووعة
بارك الله فيك

لألئ الخير
07-11-2010, 03:27 PM
ماشاء الله على الطريقة الحلوة

أمنية كمال
07-23-2010, 04:16 PM
مرة روووووووووووووعة
بارك الله فيك
الاروع مرورك يا قمر

أمنية كمال
07-23-2010, 04:18 PM
ماشاء الله على الطريقة الحلوة

اسعدنى مرورك يا قمر

المتوكلة
09-18-2010, 07:41 PM
جزاكي الله خير

شرحك روعة



أذا ممكن تساعديني بهذه الشنطة سويتها وما عرفت اقفلها


ياريت اجد عندك الحل

http://www2.0zz0.com/2010/09/18/16/942440957.jpg (http://www.0zz0.com)

أمنية كمال
09-23-2010, 07:25 AM
جزاكي الله خير

شرحك روعة



أذا ممكن تساعديني بهذه الشنطة سويتها وما عرفت اقفلها


ياريت اجد عندك الحل


تسلمى يا عمرى
بصى يا قمر شنطتك رووووعه
تقدرى تقلبى الشنطه للداخل وتقفلى على هذا الشكل يعنى تعقدى الحبال كلها لجوة وبعدين تقصى الزيادة
او انك تعملى عقد خارجيه ويصبح للشنطه شراشيب .زى كده
http://www.montejah.com/vb/attachment.php?attachmentid=5883&stc=1&d=1285216099
اتمنى اكون قدرت افيدك يا قمر

مراية الاحزان
11-20-2010, 08:23 AM
امنية
كيفك اتمنى من الله تكونى بالف خير وصحة
تسلم ايديكى على الموضوع الرائع والمجهود
ربنا يقدرك وتعملى الاحسن دوما
ممكن اعرف بس طريقة عمل الشنطة اللى فى مشاركة المتوكلة اللى كانت بتسالك تقفلها ازاى
والشنطة التانية اللى فى ردك عليها
جزاكى الله خيرا على الورشة

*أم حبيبة*
02-01-2012, 08:26 AM
كيف حالك يا منمن عاملة ايه وحشتينى كتيييير

جزاك الله خيرا على الشرح الممتع

ان شاء الله اجرب واعمل واحدة انا اصلى بشتغل الشنط بخيط المكرمية بس كروشية ومجربتش بالعقد المكرمية

واعتقد ان بالعقد افضل لان بالكروشية مش بعرف انوع فى الغرز بسبب سمك الخيط والناس بتحب خيط المكرمية لانه امتن فى الاستعمال من الصوف

فعلا لكل مقام مقال

جزاك الله خيرا منونة وحشتينى

أمنية كمال
02-09-2012, 12:49 AM
كيف حالك يا منمن عاملة ايه وحشتينى كتيييير

جزاك الله خيرا على الشرح الممتع

ان شاء الله اجرب واعمل واحدة انا اصلى بشتغل الشنط بخيط المكرمية بس كروشية ومجربتش بالعقد المكرمية

واعتقد ان بالعقد افضل لان بالكروشية مش بعرف انوع فى الغرز بسبب سمك الخيط والناس بتحب خيط المكرمية لانه امتن فى الاستعمال من الصوف

فعلا لكل مقام مقال

جزاك الله خيرا منونة وحشتينى
وحشتونى اكتر
انا الحمدلله بخير يا ام حبيبه يا غالية
وانتى وحشتينى كتيرررررررررر انا عارفه انى مقصره فى حقكم وفى حق المنتدى بعضواته
لكن اعذورنى كان عندى ظروف منعتنى عن التواجد بصفه مستديمه زى زمان
جربى لان بعقد المكرميه وخيوطها بتكون الشنطه امتن واقوى بتستحمل اكترو اسهل كتيركمان
وان شاء الله تجربتك تكون نجاحه
تمنياتى لكى وللجميع بالتوفيق دمتم بخير

منولا
02-16-2012, 01:42 PM
جزاكى الله خيرا الاخت الفاضله لافادتنا بكل ماتعرفيه
شكرا كتير استفدت كتير من كل موضوعاتك